Србин осуден на три години затвор, а 112 луѓе се во притвор поради непочитување на самоизолацијата

Србин е осуден на три години затвор за непочитување на наредбите за самоизолација.

Државната телевизија РТС објави дека првата ваква пресуда во земјата била изречена на судење што преку видео-линк се одржало во источниот град Димитровград. Жител на село во близина на Пожаревaц, пак, доби две години затвор зашто самоволно ја напуштил изолацијата.

Дури 112 луѓе се наоѓаат во притвор во Србија поради непочитување на наредбата да седат дома и чекаат судење.