Техничкиот премиер Оливер Спасовски во вечерашното гостување на телевизија 24 наведе неколку причини зошто бројот на заразени од корона вирус во последниве денови е во пораст.
-Една од глзвните причини е тоа што луѓето не ги почитуваа докрај забраните за движење и собири. Некои сметаат дека вирусот не постои, дека не е опасен. А, една од клучните работи е што имаше и неработење и саботирање од министерот за внатрешни работи: јавно се најави дека нема да бидат казнувани оние кои ги прекршуваат мерките. Причина за зголемениот број на дијагностицирани е и тоа што се прави таргетирано и масовно тестирање на семејства кои беа зафатени од приватни средби и ифтарски вечери и од конфекциите во Штип. Тоа масовно тестирање придонесе да се зголемува таа бројка, тоа значи дека завршуваат тестирањата во овие неколку дена и се очекува да падне бројот, вели Спасовски.
