Денешната седница на Советот во општина Аеродром на која се расправаше за референдум за мигрантите помина со жестоки расправи и тензична атмосфера, а за малку ќе дојдеше и до тепачка, раскажуваат за „Фокус“ дел од советниците од СДСМ.
Советничката Љубица Јанчева ни објасни што се случувало на денешната седница, тврдејќи нивниот колега бил нападнат од советник од ТМРО, кој сакал и физички да се пресмета со него.
– Нашиот советник Марко додека зборуваше на говорница, најпрво вербално(од место) беше нападнат од советникот на ТМОРО, Александар Шехтански кој неповикан излезе и отиде на говорница кај Марко со закани и кревање рака во стилот, ќе видиш ти. Претседавачот на Советот Виктор Камиловски не трепна. Од наша страна изреагирав јас, се ставив како жив ѕид меѓу нив двајца пред говорница, а од нивна страна советникот Сашо, кој го повлече. Претседателот и овој пат не изреагира, ниту мрдна, ниту пак му кажа да се врати на место и да побара збор – тврди Јанчева за „Фокус“.
Советот на Општина Аеродром на денешната седница донесе одлука да се распише референдум во врска со прашањето за населување и интеграција на мигранти на територијата на Општината, а референдумот би се одржал заедно со престојните локални избори на 15 октомври годинава.
И.М.