644
Судот и додели пет предмети за кои СЈО денеска поднесе обвиненија, на судијката Моника Бахчовановска, која е сопруга на висок функционер на ВМРО ДПМНЕ, Владимир Бахчовановски, актуелен директор на Лотарија на Македонија.
На Бахчовановска, и се „паднаа“ предметите „Тотал“, „Тревник“, „Тифани“ за Драган Павловиќ и Ивона Талевска, како и „Титаник“ против раководството на ВМРО ДПМНЕ за изборни злоупотреби и „Тортура“ против Сашо Мијалков за апсењето на Љубе Бошковски и негово измачување.
Оваа судијка во јавноста е позната и по тоа што донесе одлука со која правно лице прати во затвор за клевета.
Од Судот соопштија дека надлежноста за предметите е доделена „преку автоматска распределба“.