Со бакли испишана единица за крај на одбројувањето

Вечерва во 21 часот пред Специјалното јавно обвинителство се собраа поддржувачите на Шарената револуција за последното одбројување до крајниот рок за исполнување на нивните барања.

Тие со бакли во рацете формираа единица долж булеварот Свети Климент Охридски. Додека гореа баклите, демонстрантите извикуваа „Шутка не ти бега, Никола“.

И вечерва имаше инфилтрирани луѓе кои тајно снимаа, но повторно беа откриени од демонстрантите и заминаа.