СЈО истражува дали Талески е градоначалник и од куќен притвор

Тројца истражители на Специјалното јавно обвинителство утрово пристигнале во Општина Битола за да извршат увид во врска со спроведувањето на куќниот притвор врз градоначалникот Владимир Талески, објави Мета.

Истражителите се испратени за да проверат дали има прекршување на спроведувањето на куќниот притвор, односно дали Талески потпишува документи и презема службени дејствија додека го издржува притворот.

Доколку се утврди прекршување на правилата за куќен притвор, можно е СЈО да побара заменување на оваа мерка со построга.