По синоќешното реми со Удинезе, Милан се наоѓа повторно во непријатна ситуација. Тимот на Гатузо може лесно да ја препушти и четвртата позиција на Лацио, но главоболките на „росонерите“ се поради повредите на Донарума и Пакета.
Според информациите од Италија, голманот на Милан ќе паузира во наредните два натпревари, што значи ќе го пропушти дербито со Јувентус, но најверојатно и мечот со Лацио во Купот на Италија.
Од друга страна, ситуацијата со Пакета е мошне сериозна. Тој заработил истегнување на лигаментите и ќе биде во „аут“ неколку седмици, а медиумите од Италија го најавуваат најлошото – дека сезоната за него е завршена.
Со ваквиот развој на настаните, Гатузо ќе мора да добро да го скрои тимот пред тешкото гостување кај Јувентус, кој е во одлична форма.
Фото – Емилио Андреоли