Шекеринска: Разговорите за мнозинство се во завршна фаза

by fokus 14:30
14:30

Заменик претседателката на СДСМ, Радмила Шекеринска, денеска се сретна со амбасадорот на Кралството Норвешка во Р.Македонија, Арни Бјорнстад.

На средбата се разговарало за процесот на обезбедување парламентарно мнозинство за формирање на новата Влада во Македонија.

-Разговорите меѓу СДСМ и партиите кои се очекува да бидат дел од новото парламентарно мнозинство се во завршна фаза. Преговорите за сите прашања се водат исклучиво на основа на Уставот, за тоа постои согласност од сите страни. Очекуваме Македонија во брзо време да ја добие новата Влада, Шекеринска.

Заменик претседателката на СДСМ додаде дека новата Влада ќе биде реформска и ќе овозможи имплементација на Итните реформски приоритети од извештајот на Прибе и на Договорот од Пржино со цел да се обезбедат независни институции што ќе работат во интерес на граѓаните и евро-атлантска перспектива на земјата.

-Мнозинството граѓани гласаа за промени. Граѓаните очекуваат квалитетен живот и развој на Македонија, ние на тоа се обврзавме во Планот за живот и тоа ќе го направиме.

На состанокот се нагласени придобивките за Македонија од големата поддршка на граѓаните на концептот на заедништво. Исто така е истакната потребата од непречено функционирање на СЈО и правдата во Македонија, како определби што произлегоа од мнозинската волја на граѓаните на предвремените избори.

Поврзани новости