Шеќеринска: Нема уште едни криминални избори, нема аболиција на криминалот

Како што не дозволивме уште едни криминални избори, така нема да дозволиме криминалците од власта да избегаат од правдата, порача заменик-претседателот на СДСМ Радмила Шеќеринска пред граѓаните на Струмица.

-Сакаат на избори на кои ќе делат шамари, на кои ќе казнуваат фирми, на кои ќе се закануваат со праќање во ендек… Но денес тие се тие кои се плашат кој ќе заврши во притвор, кој во затвор. Ниту партизираното судство нема да ги спаси од криминалот – истакна Шеќеринска.

Според неа, мора да има целосно, а не само парцијално повлекување на аболицијата.