Министерката за одбрана, Радмила Шекеринска, најави дека реконструкцијата на Владата ќе се случи во една од следните две седници на Влада, поточно овој или следниот вторник.
-Факт е дека успеавме на последните избори по прв пат да имаме мнозинство во локална власт, Влада, но и претседател. Но факт е дека и еден дел од прашањата покренати во јавноста чинеа изгубена доверба. Рековме нема да се лутиме на медиумите, туку ние ќе се промениме, затоа ќе се случи реконструкцијата и ќе опфати дел од министрите и избраните фукцкионери – рече Шекеринска во емисијата „Патот до“ на Алсат.
Министерот за надворешни работи, Никола Димитров, пак во тој контекст рече дека останува во Владата.
-Имам забалежано.. се сеќевате на лажната оставка, имаше за жал професионален медиум направи грешка и објави оставка без да провери кај мене. Интересно е тоа што шпекулациите дека ќе си одам не се дека ќе ме сменат, туку јас нешто… Јас сум тука, ова е исклучително важен момент за нашата татквина. Енергијата што ја мобилизиравме по кризата што не разбуди, треба да ја цениме и да си ја искористиме за да не биде. Во таа смисла тука сум си и посветен, имамe важна мисија – рече Димитров.