Медиумите под контрола на Никола Груевски се ставија во целосна одбрана на срамните одлуки за заштита на криминалот на ВМРО-ДПМНЕ со изборните измами, реагираат денеска од опозициската СДСМ.
-Фамилијарните инсталации на Груевски во судството, од тефтерчето, наместо да го штитат Уставот и уставниот поредок, го рушат функционирањето на правдата и правната држава. „Курир”, „Република” и „Радио слободна Македонија” со месеци молчат за милионите на нивните сметки, но затоа секојдневно ги бранат партиски диригираните одлуки на Уставниот суд коишто ги испорачуваат партиските послушници на Никола Груевски и ВМРО-ДПМНЕ, се вели во соопштението на СДСМ.
Од опозициската партија додаваат дека овие три медиуми се провладини медиуми, коишто за три години оствариле приходи од 3 милиони евра.