Репортери без граници: Власта да го расветли насилството врз новинарите

Меѓународната организација Репортери без граници (РСФ) ги осуди нападите на македонски новинари за време на протестите во Скопје.

Од таму побараа власта да го расветли насилството и да гарантира безбедност на медиумските работници.

-Во овој тензичен контекст, ги повикуваме сите политичари да делуваат со воздржаност и да избегнат ексалација на насилството. Исто така, бараме властите да ја гарантираат безбедноста на новинарите за тие да можат да си ја вршат работата како што треба- порача Полин Аде-Мевел, шеф на дескот на РСФ за ЕУ и Балканот.

Во соопштението на РСФ се споменуваат физичките и вербалните напади на новинарите на „А1он“ Александар Тодевски и Владимир Желчевски, Ана Петрушева од БИРН и Борјан Јовановски од „Нова ТВ“.