Пукотници и пред американската амбасада во Анкара

Американскиот Стејт департмент ги предупреди американските државјани да ја избегнуваат областа во околината на американската амбасада во Турција поради информации за вооружени напади.

– Имаме информации дека се пука во близина на американската амбасада во Анкара и им советуваме на нашите државјани да ја избегнуваат областа додека не добијат други информации, соопшти Стејт департментот.

Претходно вечерва, во вооружен напад во Анкара беше убиен рускиот амбасадор во Турција, Андреи Карлов. Русија атентатот го оцени како терористички акт, а дел од турските медиуми јавија дека напаѓачот бил турски полицаец.