Пристигнати осум жалби за притворите на 29 лица осомничени за крвавиот четврток

Од Кривичниот суд соопштија дека досега до нив стигнале  осум жалби на одлуките за продолжување на притворот на 29 лица осомничени за насилството во Собранието на 27 април.

Кривичниот суд во текот на денешниот ден треба жалбите да ги достави до Апелацискиот суд на разгледување и одлучување.

Адвокатите на поголемиот дел од осомничените за насилствата во Собранието од 27 април уште не доставиле жалби на одлуките за продолжување на притворот бидејќи, како што велат, до денеска не ги примиле решенијата од Кривичниот суд, поради што досега не доставиле жалби на одлуките.