Претставка за судијката за пресудата кај „Млечен“, ќе следува и за обвинителката

by Frosina Fakova 16:04
16:04

Сопругата на загинатиот Гоце Димитриевски во сообраќајката кај Млечен ресторан што се случи пред две години денеска поднесе претставка до Судскиот совет за пресудата на судијката Елена Илиевска-Јосифовиќ која во петокот му досуди условна казна на обвинетиот за сообраќајката Васил Чорбаџиев.

Наташа Димитриевска во изјава за медиумите рече дека судијката била пристрасна и ја отстранила од судница кога Чорбаџиев го признал делото, а обвинетиот не им пружил ниту најмала помош.

- Advertisements -

Таа најавува дека претставка ќе достави и до обвинителката Снежана Бундалевска бидејќи поднела обвинение по година и пол и поради тоа што делото го оквалификувала како небрежност.

– Доколку анализирале и Обвинителството и Судот по однос на оваа околност, би утврдиле дека Васил Чорбаџиев живее во таа населба, секојдневно поминува на таа улица и знаел дека не смее да врти налево. Тоа не може да биде небрежност, затоа што е умисла, вели оштетената.

Таа бара затворска, а не условна казна за виновниот за сообраќајката во која Димитриевска го изгуби својот сопруг, нероденото бебе, а таа завршила со тешки повреди.

Поврзани новости