Протест во петок поради незадоволство од пресудата за „Монструм“

Во повикот се наведува дека  на улица треба да излезат сите граѓани и да го кренат гласот, по петочната молитва во Јаја Паша џамијата, во 13.30 часот.

Со вчерашната одлука на Основниот суд Скопје 1, шестмина од обвинетите, Агим Исмаиловиќ, Алил Демири, Африм Исмаиловиќ, Фејзи Азири, Хаки Азири иСами Љута, за петкратното убиство кај Смиљковското езеро добија казна доживотен затвор, а Сејди Рами, по две години поминати во притвор, излегува на слобода, поради непостоење на цврсти докази.

Осудените имаат право на жалба пред Апелациониот суд.