Попоски: Политички договор е повеќе во интерес на Македонија отколку на Брисел!

Решение на политичката криза преку политичкиот дијалог е, пред се, во интерес на Македонија многу повеќе отколку во интерес на кој било фактор надвор, вклучувајќи го и Брисел, порача министерот за надворешни работи Никола Попоски.

– Јасно е и дека без напредок во политичкиот дијалог плаќаме преголема цена, и економска, но и во очите на ЕУ бидејќи на тој начин се овозможува да се затскријат вистинските причини поради кои веќе шест години не можеме да преговараме и е неопходен услов за да добиеме позитивна препорака и евентуално наесен да ги почнеме преговорите – рече Попоски.