Полициски кордони и хермелини ги пречекаа демонстрантите пред штабот на ДПМНЕ

Од пред Собранието, демонстрантите и денеска тргнаа кон Централниот штаб на ВМРО-ДПМНЕ, но повторно пристапот до партиското седиште е затворен. Има распоредено полициски кордони, но и хермелини кои не им дозволуваат на граѓаните да го изразат својот револт пред штабот на ВМРО-ДПМНЕ.

Протестот е мирен, а демонстрантите им подаруваат цвеќиња на полицајците. Еден демонстрант се шета со саксија фикус пред кордонот, алудираќи на претседателот Иванов. Се извикуваат пароли како „Убијци“, „Нема правда, нема мир“, но и се пеат песни за Никола.