Политичката четворка на средба во Виена

Лидерите на четирите најголеми политички партии во петок ќе се сретнат во Виена, во обид да ја надминат политичката криза.

Како што објави АлсатМ, поканата треба да ја упатат тројцата европарламентарци кои и досега посредуваа во решавање на кризата – Едвард Кукан, Иво Вајгал и Ричард Ховит.

Исто така, предвидено е и присуство на еврокомесарот Јоханес Хан, кој неодамна најави дека ќе има уште еден обид за излез од политичкиот ќорсокак, како и амбасадорите на ЕУ и на САД во земјава, Аиво Орав и Џес Бејли.