Почна судскиот процес против лекарите обвинети за смртта на родилката и бебето во гевгелиската болница

by Fokus 14:32
14:32

Денеска почна судскиот процес во Велес против лекарскиот тим кој беше обвинет за смртта на родилката Маја Кадиева и нејзиното бебе во гевгелиската болница. Обвинителен акт беше покренат против четворица лекари, двајца гинеколози и двајца анестезиолози, од кои едниот во април месец почина, а до ден денес се уште не се знаат точните причини за неговата смрт.

Судскиот процес го следи и сопругот на починатата родилка.

- Advertisements -

Според порталот „Дума“, судечкиот совет ја ислушал одбраната на тројцата обвинети лекари. Бранителите поднеле дополнителни докази, а сите тројца обвинети лекари пред судечкиот судија Габриела Гајдова рекле дека го разбрале обвинението, но и дека не се чувствуваат за виновни.

Според обвинението, родилката Кадиева на 21 октомври 2015 година била однесена без родилни болки во гевгелиската болница но, била земена на операција за породување – царски рез. Потоа била погрешно интубирана и се задушила што било причина и за смртта на бебето, кое се родило живо.

Во истрага, кај двајцата анестезиолози кои вечерта на 21 октомври 2015 година биле во операционата сала, беше констатирано присуство на алкохол во крвта.

Поврзани новости