Почина 61-годишен тетовец заразен со корона вирусот, регистрирани 20 оздравени пациенти

Пациент на возраст од 61 година ја изгуби битката со корона вирусот. Тој во болница бил примен на 28 април, а од Министерството за здравство информираат дека денес починал.

-Во ГОБ „8 септември“ почина пациент од Тетово на возраст од 61 година, хоспитализиран на 28 април, велат од министерството.

Со последниот смртен случај, бројот на починати се искачи на 90.

Оттаму информираат дека денеска Институтот за јавно здравје регистрира 20 оздравени пациенти во: Скопје-1, Куманово-9, Прилеп-2, Велес-7 и Битола-1.