Популарната поп пејачка Калиопи (55), по седум години откако го одржа својот последен солистички концерт во Битола, повторно најави самостоен концерт во земјава, и тоа во Велес, во Народниот театар ,,Јордан Хаџи Костадинов – Џинот”.
Настанот е закажан на 26-ти ноември, со почеток од 20 часот на големата сцена ,,Петре Прличков”.
Како што е наведено во најавата за концертот, таа доаѓала во Велес на покана од Народниот театар.
Инаку, нејзиниот поранешен сопруг, актерот Васил Зафирчев, со кого Калиопи и по разводот остана во пријателски односи, е уметнички директор во театарот.
Изминативе години пејачката имаше голем број на концерти во регионот. Освен што е активна на поп сцената, таа компонира музика за балет и театар.
Периодов беше доста актуелна балетската претстава ,,Госпоѓиците од Авињон” за која музиката ја компонираше Калиопи.
Вики Клинчарова