Пет пациенти починаа во Штипската болница од корона вирус

Пет лица од источниот регион ја загубија битката со корона вирусот во изминатите 24 часа во штипската Клиничка болница. Станува збор за пациенти од Радовиш, кочанското село Спанчево, Делчево и две лица се од Штип.

Во штипскиот ковид центар денеска се хоспитализирани вкупно 53 лица, од кои 45 се во модуларната болница, а осум лица се на Кожното одделение, кои се стабилизирани по третманот во модуларната болница. Според податоците од болницата, 37 лица се на кислородна поддршка, а во дневната амбуланта имаат 27 прегледи.