Пендаровски на средба со хуманитарецот Февзи, кој од својот џеб издвојува за другите

by fokus 14:25
14:25

Претседателот Стево Пендаровски денеска го прими Али Февзи, хуманитарец од Скопје, кој на средбата го запозна со неговата иницијатива за донирање на поединци и семејства во социјален ризик, што беше интензивирана по почетокот на пандемијата на КОВИД-19, сооопшти кабинетот на шефот на државата.

-Февзи својата хумана мисија ја започна преку донирање на намирници од сопствени средства, по што на неговата иницијатива се приклучија поединци и организации. Споделувајќи ги предизвиците со коишто се соочува во неговата активност, тој на средбата посочи дека бројот на поединците и семејствата на коишто им е потребна помош постојано се зголемува и поради тоа ја истакна потребата за зголемување на поддршката од други хумани граѓани, организации и институции, се вели во соопштението од претседателскиот кабинет.

Претседателот Пендаровски оддал признание за активизмот, хуманоста и солидарноста на Февзи и изразил очекување дека неговата работа ќе биде пример за други поединци, организации и општествено одговорни компании, согласно можностите, да помогнат на оние што се најмногу погодени од кризата по почетокот на пандемијата.

Поврзани новости