Претседателот Стево Пендаровски во вечерашното интервју на телевизија Канал 5 не даде поддршка на новиот предлог концепт за основно образование. Тој вели дека се изненадил од тоа што го слушнал и додава дека промените мора да се прават темелно и бавно.
-Мене ме изненади тоа што го слушав. Малце ме смири тоа дека концептот е само предлог. Образованието треба да се трансформира, но промените се прават бавно. Само голото копирање, нека е фински модел, ќе биде криво насадено. Мора да помине време, стурчната јавност мора да се вклучи. Да не одиме преку трупа, како што викаат старите. Образованието е најбитниот сегмент на државата. Ние денеска немаме образование како што треба да имаме. Многу малку ги учиме да решаваат проблеми. Но, тоа мора да биде направено темелно, смета Пендаровски.