Указите за прогласување на Законот за ратификација на Спогодбата меѓу Македонија и Грција за отворањето на два гранични премини, односно Граничниот премин Мајден – Промахои и Граничниот премин Маркова нога – Лемос, денеска ги потпиша претседателот на Република Македонија, Стево Пендаровски.
Како што соопштија од Кабинетот на Пендаровски, претседателот смета дека Спогодбата ќе придонесе за натамошен развој на севкупните билатерални односи меѓу двете држави, за развој на прекуграничната соработка и ќе ја олесни комуникацијата на населението што живее во регионот на двата гранични премини.
Претседателот Пендаровски, се наведува во соопштението, очекува од надлежните институции да дадат максимален придонес за реализација на предвидените активности и за што поскоро отворање на двата гранични премини.