Грчко – македонската конфронтација не е од корист за двете земји и претставува не само неподнослива ситуација за Македонија, туку, исто така, и добро оркестрирана инфекција на Балканот според класичната поговорка „раздели па владеј“. Двете земји треба да ја побараат Русија за медијатор во спорот за името, оти таа има волја и интерес да спроведе независна и успешна медијација, раскажува американскиот аналитичар Умберто Паскали.
– Корумпираните анти-европски бирократи во Брисел никогаш нема да го решат проблемот. Истото се однесува и на т.н. меѓународна заедница. Македонија и Грција треба да побараат Русија да интервенира како чесен посредник, почитуван од двете страни, како и во добри односи со Турција и поголемиот дел од земјите на Балканот – истакна Паскали во интервју за програмата „Гласот на народот“