Осветени темелите на крстот, насобраните симпатизери на ДУИ се разотидоа

Поглаварот на МПЦ г.г. Стефан ги освети темелите на новиот, голем крст кој треба да биде висок 51 метар, а ќе се гради на кружниот тек во населбата Бутел.

Претходно голем број на симпатизери и членови на ДУИ се собраа во Чаир и се обидоа да го блокираат овој настан, но беа спречени во намерата од бројните полициски сили.

Новиот голем крст ќе биде ист како оној поставен во општината Аеродром. Освен тоа што ќе биде висок 51 метар, ќе има ширина од 4 метри, со распон на краците од 34 метри, врз постамент од 5,5 метри и фрески на дванаесетте свети апостоли.