Острени: ДУИ е вазал на ВМРО-ДПМНЕ

by Фокус 11:23
11:23

Лидерот на новоформираната партија Унитети, Гзим Острени, во интерју за Радио Слободна Европа рече дека Договорот од Пржино мора да се спроведе, а доколку пропадне, нема понатаму.

-Сите велат дека таму учествуваат четири партии, а јас би рекол дека таму учествуваат две страни. На една страна се ВМРО-ДПМНЕ, ДУИ и ДПА, а на другата се СДСМ. Оттука излегува потврдата дека ДУИ е вазал на ВМРО-ДПМНЕ. Решение е ако луѓето кои се виновни си одат, ако ја сакаат Македонија, но јас ценам дека повеќе се сакаат себеси отколку што ја сакаат Македонија, вели Острени.

- Advertisements -

Тој смета дека кочничари на преговорите се токму трите партии: ВМРО-ДПМНЕ, ДУИ и ДПА, а законот за мораториум на бомбите за него е апсурд.

-Зошто да ги запреме „бомбите“ и со закон и да биде казнет некој уредник на медиум со пет години затвор, ако објави „бомба“. Тоа е апсурд. Решението треба да се бара во отстранување на последиците, а последиците се отстрануваат ако се отстранат причините. Која е причината што е Македонија тука каде што е? Толку години се на власт ВМРО-ДПМНЕ и ДУИ и кај кого сега ќе ја бараат причината зошто е ова вака? Затоа што така владееле рече Острени.

Поврзани новости