Османи и Димитров ќе одговараат на прашања поврзани со преговорите за ЕУ

Собраниската Комисија за европски прашања денеска ќе одржи седница посветена на евроинтегративните процеси во Македонија по последниот Самит на Европскиот совет на кој беше одложена одлуката за почеток на преговорите за пристапување на земјава во ЕУ.

Се очекува обраќања да имаат вицепремиерот задолжен за европски прашања Бујар Османи и министерот за надворешни работи Никола Димитров.

На седницата се поканети сите пратеници во Собранието, претставници на дипломатскиот кор, како и претставници на владиниот и невладиниот сектор, академската заедница, медиумите и други.