Главната опозициска партија во Унгарија, Тиса, одржа предност од 10 процентни поени пред владејачката националистичка партија Фидес на премиерот Виктор Орбан во февруари, покажа денешната анкета пред парламентарните избори закажани за 12 април годинава.
Орбан се соочува со најголемиот предизвик за неговото владеење откако неговата партија Фидес победи на убедливи избори во 2010 година.
Централно-десничарската партија Тиса е предводена од поранешниот владин инсајдер Петер Маѓар, кој рече дека неговата партија ќе се бори против корупцијата, ќе деблокира милијарди евра замрзнати средства од фондовите на Европската унија со цел да ја поттикне економијата и цврсто да ја закотви Унгарија во ЕУ и НАТО.
Најновата анкета, спроведена од Институтот „Идеа“ помеѓу 31 јануари и 6 февруари, покажа дека 48 проценти од посветените гласачи ја поддржуваат Тиса, додека 38 проценти гласаат за Фидес на Виктор Орбан – што е непроменето од претходниот месец, пишува Ројтерс.
Институтот „Идеа“ на својата официјална Фејсбук страница изјави дека бројот на неопределени гласачи се намалил за три процентни поени.