Околу 16:30 часот пред албанската влада во Тирана започна протестот против иницијативата „Отворен Балкан“, организиран од албанската опозициска Демократска партија на Љуљзим Баша. Голем број полициски сили се присутни во центарот на главниот град на Албанија.
Протестот се организира во пресрет на доаѓањето на премиерот на Северна Македонија, Зоран Заев, како и претседателот на Србија, Александар Вучиќ, на состанокот на иницијативата за регионална соработка „Отворен Балкан“, што денеска и утре се одржува во Тирана.
Live / Albanians burn the Serbian flag in Tirana.
Dozens of Albanian citizens summoned by #SaliBerisha, are protesting in #Tirana against #AleksandarVucic and “#OpenBalkan” pic.twitter.com/I74zATfLhF— Isa Myzyraj (@IsamyzyrajAlb) December 20, 2021
Демонстрантите го запалија српското знаме кое беше истакнато во знак на добредојде на улицата што води кон Владата, по што следеше бурно одобрување на насобраните, а едно момче падна од јарболот обидувајќи се да го спушти знамето.
Протестантите носат транспаренти со пораки напишани против иницијативата „Отворен Балкан“, претседателот Вучиќ, Рама, Сорош и слично.
#Tirana: Protesters gathered against the “Open Balkan” project have burned the Serbian flag in revolt. #Albania pic.twitter.com/IDOjvoQmM3
— Xhildinho Z (@xhildinho) December 20, 2021
Бериша пред неколку дена преку социјалните мрежи ги повика Албанците да дојдат на протестот, нарекувајќи ги национални протести насочени против, како што рече, „антиалбанското сценарио“.
Учесниците на протестот, предводени од Бериша, претходно се собраа пред седиштето на Демократската партија во Тирана, а потоа пешачеа до зградата на Владата, каде што беше поставена бината, а недалеку од таму е и српската амбасада во Тирана, јавува Танјуг.