Независниот советник Борче Бучински, носител на независна листа за време на Локалните Избори од 2017 година од Могила, лажно се претставува дека е член на нашата партија, со цел да предизвика збунетост кај граѓаните. Борче Бучински, независниот советник работи во интерес на ДПМНЕ од почетокот на неговиот мандат, велат од Обединети за Македонија по објавените информации дека советник од оваа партија преминал во ВМРО-ДПМНЕ.
-Актуелен Претседател на нашата Организација во Могила е Борче Сабатоски, кој останува во Обединети за Македонија и е наш почитуван и лојален член. Слободно можете да ги проверете листите низ Интернет, затоа на крај од овој прес, доставуваме документ од Државната комисија за спречување на корупцијата, достапен онлајн за граѓаните. Ние заедно со Владата работиме во интерес на земјоделците, се трудиме да ја поправиме оваа десетгодишна погубна политика на ДПМНЕ во овие и во другите сфери. Ова е доказ дека Мицкоски и ДПМНЕ наместо да ја прочистат и да ја реорганизираат партијата, да ја направат проевропска, со ваквите модерно-удбашки методи, го манипулираат народот и го лажат. Затоа порачуваме до ДПМНЕ: На ваквите модерно-удбашки методи нашиот народ не верува повеќе. Прочитани сте и очигледни во вашите намери – соопштија од Обединети за Македонија.