Балканската музичка ѕвезда Цеца Ражнатовиќ ги најави првите концерти за 2023 година. Во февруари ќе настапи во Словенија и Германија, а на четврти март доаѓа во Скопје.
-Се радувам што ќе се дружиме на следните концерти, објави таа на својата страница.
За настапот во Скопје, познато е дека ќе се одржи во дискотеката Централ Парк. Присутните првин ќе ги забавувал диџеј, а потоа следувал концертот на фолк пејачката.
Како што дознаваме, имало огромен интерес за влезниците и останале уште мал број на слободни карти за настанот.
Цената изнесувала 1.000 денари од лице, но морало да се направи и резервација на маса, која изнесувала 5.000 денари, со вклучен пијалок.
Цеца е редовна гостинка во земјава и секој нејзин настап поминува со распродадени карти, а кога настапува на отворено, со преполни плоштади. Лани таа го одржа првиот заеднички концерт со ќерката Анастасија во Пробиштип.
Редовна пракса кога настапува на општински манифестации, е да има организиран автобуски превоз од повеќе градови.
Вики Клинчарова