668
Обвинителството го повлекло притворот за вработениот во АНБ кој вчера заедно со обвинет па амнестиран за упадот во Собрание беше уапсен под сомнение дека уценувале бизнисмен од Битола.
-По спровод на двете лица во Кривичниот суд, на рочиштетo за одлучување по поднесениот предлог, надлежниот Јавен обвинител го повлече предлогот за едното лице и предложи поблаги мерки за обезбедување присуство, соопштија од Судот.
Судија на претходна постапка го прифатил предлогот на Обвинителството и му одредил притвор на обвинетиот, па амнестиран за „27 април“ во траење од осум дена, а на вработениот во АНБ му одреди мерки за претпазливост и тоа одземање на патната исправа и обврска лицето повремено да се јавува пред надлежен суд.