Обвинител изврши увид во домот на Беличанец, нејзиното тело е предадено за обдукција

Од Јавното обвинителство информираат дека дежурен јавен обвинител од Основното јавно обвинителство Скопје заедно со увидни екипи од Министерството за внатрешни работи и со лекари по судска медицина синоќа извршиле увид на лице место во стан во Скопје, каде беше пронајдена мртва актерката Билјана Беличанец Алексиќ.

Од Обвинителството велат дека безживотното тело на Беличанец го пронашол нејзиниот сопруг, кој ја известил полицијата.

Од таму додаваат дека нејзиното тело е предадено за обдукција, а јавниот обвинител издал и наредба за вештачење на трагите подигнати и обезбедени на лице место.