„Пробавте да сокриете убиство“: Една година од вистината за Мартин Нешкоски

Од 18 часот и денеска почнаа да се собираат граѓани пред Специјалното јавно обвинителство. Фокус на денешниот протест ќе биде режимската бруталност, а денеска навршува една година од објавувањето на „бомбата“ за Мартин Нешкоски во која се слуша како владиниот врв се обидувал да го скрие убиството на младото момче.

Лани на петти мај по објавувањето на „бомбата“ се случи и еден од најзначајните протести кога за прв пат беше пробиен полицикиот кордон пред Владата и гневните граѓани влегоа во дворот. Потоа во текот на вечерта полицијата бркаше демонстраните низ скопските улици при што ги тепаше и ги апсеше. Специјалните единици влегоа и во библиотеката „Браќа Миладиновци“ каде ги нападнаа студентите.