Нимиц чека нова влада за да дојде во Македонија

Грчкиот весник “Катимерини” најави ново доаѓање на медијаторот на ОН Метју Нимиц во Македонија, по формирањето на новата влада. На почетокот на 2017-та, Нимиц е со план да го посети Скопје за да ги чуе новите планови на Владата, па Атина.

-Медијаторот на ОН, кој во септември се сретна со министрите за надворешни работи на двете држави, од искуство знае дека предуслов за да има напредок во преговорите е да постојат силни влади и во двете држави-пренесува грчкиот весник „Катимерини“.

Според весникот, западните дипломати стравуваат дека доколку се формира слаба и нестабилна Влада во земјава, тешко ќе се справи со затворање на спорот со името.