Независне новине: Кокаинот вреден 50 милиони евра требало да заврши во БиХ

Најголем дел од кокаинот вреден 50 милиони евра, кој во меѓународна акција беше запленет од италијанската полиција требало да заврши на пазарот во Босна и Херцеговина, пишува „Независне“.

Со оваа акција пресечен бил голем синџир на организиран шверц на дрога за кој најпрво дознала италијанската полиција, која во соработка со колегите од другите земји ја следела оваа голема пратка на кокаин.

Во меѓународната акција за спречување на шверц на кокаин, покрај македонската полиција, биле вклучени и истражните органи на Италија, Црна Гора и Босна и Херцеговина (БиХ), а откриени се вкупно 1,2 тони кокаин.

Според сознанијата на овој медиум, дрогата спакувана во неколку контејнери била запленета на пристаниште во Италија. Италијанската полиција од контејнерите извадила 970 пакети кокаин кои заедно тежеле 1 128 килограми (1,2 тони). Кога ја откриле, Италијанците ја заплениле дрогата и испратиле пратка во која оставиле само околу еден килограм дрога запакувана со систем за следење.

Како што пишува „Независне новине“, пратката понатаму продолжила по планираната рута, стигнала во Бар, Црна Гора, каде за да ги подигнат пакетите пристигнале вкупно шест камиони, четири од Северна Македонија и два од БиХ. Камионите ги земале контејнерите и тргнале назад, незнаејќи дека, всушност, превезуваат само еден килограм кокаин кој го следат.

Државната агенција за истраги и заштита во БиХ потврдила дека учествувала во меѓународната акција и дека уапсила вкупно две лица.

Независне новине: Кокаинот вреден 50 милиони евра требало да заврши во БиХ

Уапсен пијан велешанец кој искршил табла со натпис „Република Северна Македонија“

ДИК го отфрли барањето на Чулев за решението за новиот началник на СВР Тетово

Поврзани новости