Нетанјаху го одби договорот за петдневен прекин на огнот во Газа

Израелскиот премиер Бенјамин Нетанјаху го отфрли петдневниот договор за прекин на огнот со палестинската милитантна група Хамас во Газа, објави Гардијан.

Изворите на британскиот весник рекле дека Нетанјаху целосно го отфрлил договорот на првите разговори, откако милитантите извршија терористички напад врз Израел на 7 октомври, во кој загинаа околу 1.400 луѓе.

Разговорите продолжија откако Израел започна копнена офанзива на Појасот Газа на 27 октомври, но Нетанјаху повторно зазеде цврст став за предлозите кои вклучуваат прекини на огнот со различно времетраење во замена за одреден број заложници.

Од кабинетот на израелскиот премиер се уште не го коментираат извештајот на Гардијан.