„Не прифаќаме употреба на терминот Македонија во името за северниот сосед“

Партијата „Независни Грци“ која е дел од Владата на Грција, донесе резолуција дека не прифаќаат терминот Македонија воопшто да го има во било каква форма во името на нивниот северен сосед.

-Независни Грци не прифаќа користење на терминот Македонија или каква било изведена форма од него во името на северниот сосед, пишува во резолуцијата на партијата на Панос Каменос, министер за одбрана во грчката влада.

Втората резолуција се однесува на гробовите на грчките војници во Албанија, при што партијата бара официјална Тирана да го почитува договорот од 2010 година.