Најмалку 52 лица повредени во авионската несреќа во Истанбул

by fokus 20:26
20:26

Најмалку 52 лица се повредени откако денеска авион при слетувањето на истанбулскиот аеродром „Сабиха Гокчен“ ја промаши пистата, се урна во поле и се распадна на три дела. Дојче веле јавува дека во несреќата се повредени 120 лица.

На телевизиски снимки можеше да се види скршен трупот на авионот и евакуација на патниците.

Турскиот министер за транспорт Мехмет Чахит Турхан изјави дека нема загинати во инцидентот и оти најголемиот дел од патниците можеле сами да го напуштат авионот при евакуацијата.

- Advertising -

Турската телевизија НТВ извести дека авионот се запалил, но пожарот веднаш бил изгаснат. Истата телевизија информира дека авионот припаѓа на компанијата Пегасус ерлајнс и пристигнал од Измир.

Турското Министерство за сообраќај соопшти дека во авионот имало 177 патници и членови на екипаж. Министерството посочи дека до несреќата дошло поради груба грешка при слетувањето.

Поврзани новости