На принцот Вилијам не би му пречело ако неговите деца се геј

Војводата од Кембриџ, принцот Вилијам истакна дека не би му пречело ако неговите деца се изјаснат како геј-личности. Притоа, тој додаде дека стравува дека таквата ситуација би довела до злоставување и притисок од јавноста.

„Не сум размислувал за тоа, се додека не станав родител. Но, сметам дека воопшто не би ми пречело. Единствено што ме загрижува е како другите ќе гледаат на тоа, како светот ќе реагира. Со сопругата разговаравме за тоа и треба да се подготвиме за таква работа ако се случи некогаш“, рече принцот Вилијам.