На дело е фатен крадец во стан во Штип

МВР информира дека вчера во Штип, полициски службеници од Полициската станица Штип го лишиле од слобода М.К.(31) од Штип.

Тој бил фатен при вршење на кривично дело „тешка кражба“ од стан во Штип, сопственост на Г.Т.(62) и Ф.К.(56), двете од Штип.

Лицето било задржано во полициска станица, за случајот бил запознаен јавен обвинител и по целосно документирање на случајот против него ќе биде поднесена соодветна пријава.