МВР: Годинава се издадени потврди на 63.402 мигранти

by Фокус 11:11
11:11

МВР извести дека во периодот од 01.01.2016 до 05.02.2016 година, издадени  се потврди на вкупно 63.402 странски државјани, од кои 25.946 се од машки пол, 13.639 се од женски и 23.703 се деца кои го придружуваат носителот на потврдата, како и уште 114  деца кои патуваат без родител, на кои им е издадена потврда за искажана намера за поднесување на барање за признавање на право на азил. Според државјанството на лицата на кои им се издадени потврди, најбројни се државјаните на Сирија-30.932, Авганистан-20.005 и Ирак-12.462.

Само во последните 24 часа издадени се потврди на вкупно 3.256 странски државјани, од кои 1.126 од машки и 766 од женски пол, како и на 1.364 деца кои го придружуваат носителот на потврдата, на кои издадена е потврда за искажана намера за поднесување на барање за признавање на право на азил.

- Advertisements -

Според државјанството, најмногу се издадени потврди на државјаните на 1.516 државјани на Сирија, потоа на 904 државјани на Ирак и на 836 државјани на Авганистан,.

Во периодот од  01.01.2016 година до 05.02.2016 година, до Секторот за азил барање за признавање на право на азил поднеле десет лица (седум од Авганистан и три од Сирија) врз основа на претходно издадена потврда за искажана намера за поднесување на барање за признавање на право на азил.

Поврзани новости