Могерини: Западен Балкан е Европа

Високата претставничка на ЕУ за надворешна и безбедносна политика, Федерика Могерини денеска порача дека сега е погоден момент за постигнување промени за да се направи неповратен напредок на земјите од регионот кон ЕУ.

Таа истакна дека Западен Балкан е Европа и дека ќе биде дел од иднината на Европската Унија – посилна, стабилна и обединета Унија.

-Тоа е прашање на заеднички интерес и заеднички одговорности што ги делиме со земјите од регионот во корист на сите наши граѓани, рекла Могерини, се наведува во соопштението на Европската служба за надворешни работи.