МНР уверува: Нема тајни преговори со Бугарија, разговараме за патоказ

by Фокус 23:01
23:01

Нема никакви тајни преговори со Бугарија, разговараме за практичен патоказ за имплементација на членовите од Договорот за добрососедство, изјави Зоран Попов, државен секретар од МНР, кој е дел од преговарачкиот тим со соседна Бугарија.

-Формата се уште не е утврдена. Се разговара за документ, ќе видиме дали тоа ќе биде меморандум или протокол кон имплементација на Договорот. Патоказот е еден дел од разговорите кои се во тек и тука нема никакви тајни работи или детали. Можам да кажам дека патоказот се однесува на забрзана имплементација на Договорот за добрососедство и соработка во различни области – економија, образование, одбрана, култура, животна средина и така натаму – изјави Попов на Телма.

- Advertisements -

Како преговарачки тим под раководство на премиерот, нагласи Попов, никој ниту во еден момент не прифатил разговори кои се однесуваат на македонскиот јазик и идентитет.

Поврзани новости