ВМРО-ДПМНЕ предлага мерки за намалување на ценовниот шок, а лидерот на партијата, Христијан Мицкоски на својот Фејсбук профил објаснува дека ако се намали акцизата на горивата за 50 отсто и наместо 22 денари/литар биде 11 денари/литар, тогаш вкупната цена ќе биде околу 13 денари/литар поевтина.
Како што објаснува, во крајната цена 89,5 ден/литар на БС95 се содржани:
⁃ 53 денари/литар (во оваа цена се вклучени цената на горивото, маржата и дистрибуцијата)
⁃ 22 денари/литар (во оваа цена е вклучена акцизата)
⁃ 1 денар/литар (во оваа цена се вклучени надомест за животна средина и надомест за резерви на нафта)
⁃ 13,5 денари/литар (ДДВ).
Доколку се намали на 50% акцизата на горивата како што предлага ВМРО-ДПМНЕ и наместо 22 денари/литар биде 11 денари/литар, тогаш вкупната цена ќе биде околу 13 денари/литар поевтина.
Во крајната цена 85,5 ден/литар на дизелот се содржани:
⁃ 56,5 денари/литар (во оваа цена се вклучени цената на горивото, маржата и дистрибуцијата)
⁃ 15,5 денари/литар (во оваа цена е вклучена акцизата)
⁃ 0,5 денар/литар (во оваа цена се вклучени надомест за животна средина и надомест за резерви на нафта)
⁃ 13 денари/литар (ДДВ).
Доколку, како што предлага ВМРО-ДПМНЕ, се намали на 50% акцизата на горивата и наместо 15,5 денари/литар биде 7,75 денари/литар, тогаш вкупната цена ќе биде околу 9 денари/литар поевтина.“ – напиша Мицкоски на Фејсбук.