564
Откако општински организации на СДСМ на фејсбук објавија државни огласи за ангажирање на лица за пописот, опозицискиот лидер, Христијан Мицкоски, обвини дека пописот ќе го прават партиски војници.
„Во која друга држава партиски војници спроведуваат државен попис? Најдобар доказ дека не е статистичка, туку политичка операција пописот. Партиски оглас за државни попишувачи. Срам и беда. Од месечината се гледа дека овој попис на власта е фалсификат. Затоа, стоп за овој фалсификат попис“, напиша Мицкоски на Фејсбук.
Владејачката СДСМ одговори дека од партиски профили се објавувале повици за попишувачи, но, како што истакнаа, огласот е државен.