Милошоски: Нелегалниот избор на Џафери ја продолжува политичката криза

Изборот на Талат Џафери е нелегален и неуставен чин кој не придонесува кон стабилност на државата, туку само ја продлабочува политичката криза, предмалку изјави Антонијо Милошоски од ВМРО-ДПМНЕ.

-Ова е голем и тежок преседан преку кој се загрозува Уставот и правото заради партиски и лични амбиции. Секој чекор во насока на политичко насилие, без почитување на процедурите, се преседани кои раѓаат друг, трет преседан и само значат продолжување на кризата – рече тој.